Հունաստանում ՀՀ դեսպանի հանդիպումը Աթենքի ազգային համալսարանի ռեկտորի հետ

05 հունվարի, 2022

Հունաստանում ՀՀ դեսպան Տիգրան Մկրտչյանը հունվարի 5-ին հանդիպեց Կապոդիստրիայի անվան Աթենքի ազգային համալսարանի ռեկտորի, փոխռեկտորի և պրոֆեսորադասախոսական անձնակազմի հետ:

Հանդիպման ընթացքում զրուցակիցները խոսեցին Երևանի պետական համալսարանի, հայաստանյան այլ բուհերի և Հունաստանի ազգային համալսարանի միջև համագործակցությանը նոր թափ հաղորդելու և զարգացնելու հեռանկարների շուրջ:

Հանդիպմանը ազգային համալսարանի ռեկտոր Մելետիոս-Աթանասիոս Դիմոպուլոսը ներկայացրեց համալսարանի պատմությունը, կառուցվածքն ու գիտակրթական գործունեության հիմնական ուղղությունները։ Կարևորեց հայաստանյան համալսարանների, հատկապես Երևանի պետական համալսարանի հետ իրականացվող համագործակցությունը՝ նշելով մի շարք նախագծեր, որոնք կարող են գործնական նշանակություն ունենալ։

Դեսպան Մկրտչյանն ընգծեց կրթական ոլորտում համագործակցության կարևորությունը՝ որպես հայ-հունական երկկողմ հարաբերությունների զարգացման ներուժով օժտված բնագավառ։

Հանդիպմանն արծարծվեցին նաև երկու երկրների գիտակրթական հաստատությունների հետագա փոխգործակցությանն ու համատեղ ծրագրերին առնչվող հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր